კომიტეტმა დღევანდელ სხდომაზე  ევრონესტის (აღმოსავლეთ პარტნიორობის) საპარლამენტო ასამბლეის მუდმივმოქმედ საპარლამენტო დელეგაციაში ფრაქციათა პროპორციული წარმომადგენლობის კვოტები განსაზღვრა.

პარლამენტის პლენარული სხდომა 9-12 მარტის პლენარული სხდომების დღის წესრიგის დამტკიცებით დაიწყო. პარლამენტის რეგლამენტის თანახმად, საპარლამენტო ტრიბუნა დეპუტატთა განცხადებებს დაეთმო.

გარემოს დაცვის სფეროში სახელმწიფო კონტროლის განხორციელების მიზნით  გარემოს დაცვის ინსპექცია იქმნება. აღნიშნულ საკითხთან დაკავშირებით იმსჯელეს დღეს გარემოს დაცვისა და ბუნებრივი რესურსების კომიტეტის სხდომაზე. ინსპექცია გარემოს დაცვის სახელმწიფო კონტროლს  გეგმიური და არაგეგმიური შემოწმებების გზით განახორციელებს.

ოკუპირებულ ტერიტორიებზე არსებული მდგომარეობა და  ეუთო–ს მისიის აღდგენის საკითხები იყო პარლამენტის თავმჯდომარის მოადგილის, გიორგი წერეთლისა და  ეუთო-ს საპარლამენტო ასამბლეის პრეზიდენტის, ჟოაო სუარესის შეხვედრის ძირითადი თემები.

საქართველოს იუსტიციის სამინისტროს დისკრეციული უფლებამოსილება ექნება თავად გადაწყვიტოს, მოახდინოს თუ არა ამა თუ იმ დანაშაულის ჩამდენი პირის ექსტრადიცია. 

"საქართველოს ორგანულ კანონში "საქართველოს საარჩევნო კოდექსში” ცვლილების შეტანის შესახებ” კანონპროექტი  III მოსმენით განიხილა იურიდიულ საკითხთა კომიტეტმა დღევანდელ სხდომაზე  და წარმოდგენილი ცვლილებების პლენარულ სხდომაზე განხილვას დაუჭირა მხარი.

ანტიდოპინგურ საქმიანობასთან დაკავშირებული ევროპული კონვენციის მოთხოვნები, რომელსაც საქართველო ამ ცოტა ხნის წინათ შეუერთდა, საქართველოს კანონმდებლობაში აისახება. სწორედ ამ საკითხზე გაიმართა მსჯელობა დღეს სპორტისა და ახალგაზრდულ საქმეთა კომიტეტთან არსებული სპორტის განვითარების სამეცნიერო–საკონსულტაციო საბჭოს სხდომაზე.

საქართველოს პარლამენტის თავმჯდომარის მოადგილე რუსუდან კერვალიშვილი შეხვდა გორის გენდერული თანასწორობის რესურსცენტრის მხარდამჭერ საერთაშორისო  და არასამთავრობო ორგანიზაციებს და გახსნა გაეროს განვითარების პროექტის მიერ დაფინანსებული კომპიუტერული კლასი, რომელიც იძულებით გადაადგილებულ მოსახლეობას უფასოდ მოემსახურება.

სატყეო დეპარტამენტის რეორგანიზების შემდგომ საჯარო სამართლის იურიდიული პირი "სატყეო სააგენტო" შეიქმნება. აღნიშნულიდან გამომდინარე, ცვლილებები შედის "საქართველოს ტყის კოდექსში", "საქართველოს წითელი ნუსხისა და წითელი წიგნის შესახებ" და "ცხოველთა სამყაროს შესახებ" კანონპროექტებში.

"სახელმწიფოს საკუთრებაში მიქცეული ქონების განკარგვის შესახებ” კანონპროექტი განიხილეს დღეს დარგობრივი ეკონომიკისა და ეკონომიკური პოლიტიკის კომიტეტის სხდომაზე. კანონპროექტით, ტყით მოსარგებლისათვის, მათ შორის ლიცენზიატისათვის ვადის  ამოწურვის ან შეწყვეტის შემდეგ, თუ სახელმწიფო ტყის ფონდიდან არ გამოზიდავს მერქნულ რესურსს იგი პირდაპირ ჩაითვლება სახელმწიფო საკუთრებაში მიქცეულ ქონებად და მისი განკარგვის უფლებამოსილება მომსახურების სააგენტოს ექნება.

სახელმწიფო კონტროლის მიზნით აღებული სურსათის ნიმუშის ლაბორატორიული კვლევის პროცედურები მარტივდება. აღნიშნულთან დაკავშირებით ცვლილებები "სურსათის უვნებლობისა და ხარისხის შესახებ" საქართველოს კანონში შედის, რის შესახებ დღეს  აგრარულ საკითხთა კომიტეტის სხდომაზე იმსჯელეს. სურსათის ნიმუშის ლაბორატორიული კვლევის პროცედურები აკრედიტებულ ლაბორატორიებში იქნება შესაძლებელი.

"ქრისტიან–დემოკრატები" ხელისუფლებისგან ონკოლოგიური დაავადებების გავრცელების წინააღმდეგ ეფექტიანი და გრძელვადიანი პრევენციული სტრატეგიისა და სათანადო ზომების გატარებას მოითხოვენ. ამის შესახებ ფრაქცია "ქრისტიან-დემოკრატების" წევრმა, მაგდა ანიკაშვილმა პრესკონფერენციაზე განაცხადა.

ტერიტორიული მთლიანობის აღდგენის საკითხთა დროებით კომისიაში სამოქალაქო საზოგადოების წარმომადგენლებთან შეხვედრა გაიმართა, რომელზეც ამ დღეებში გასამართი კონფერენციის დეტალებზე იმსჯელეს.

ლატვიის სეიმის დელეგაცია სეიმის თავმჯდომარის, გუნდარს დაუძეს ხელმძღვანელობით საქართველოს საპარლამენტო ოპოზიციის წარმომადგენლებს შეხვდა.

დავით ბაქრაძემ საქართველოში ოფიციალური ვიზიტით მყოფი  ლატვიის სეიმის თავმჯდომარე გუნდარს დაუძე მიიღო. შეხვედრაზე მხარეებმა ისაუბრეს საქართველოსა და ლატვიის საპარლამენტო ურთიერთობებზე და სამომავლო გეგმებზე, საგარეო პოლიტიკურ თემებზე, საქართველოში დაგეგმილ ადგილობრივ არჩევნებზე. 

ლატვიის რესპუბლიკის სეიმისადმი მიძღვნილი ფოტოგამოფენის გახსნით დაიწყო ლატვიის სეიმის თავმჯდომარის, გუნდარს დაუძეს ოფიციალური ვიზიტი საქართველოს პარლამენტში. პარლამენტის რუსთაველის სახელობის დარბაზში მოწყობილი ლატვიის დამოუკიდებლობის აღდგენის 20 წლისადმი მიძღვნილი გამოფენა პარლამენტის თავმჯდომარემ, დავით ბაქრაძემ გახსნა.

საქართველოს პარლამენტის თავმჯდომარის მოადგილე რუსუდან კერვალიშვილი წეროვანის დევნილთა დასახლებას ეწვია და თითოეული ოჯახისთვის საერთაშორისო ორგანიზაციების მიერ შემოტანილი დახმარება გადასცა. შეხვდა ადგილობრივი სკოლის მასწავლებლებს. შეხვედრისას განიხილეს წეროვანის დასახლებაში არსებული  მდგომარეობა და ისაუბრეს პრობლემების მოგვარების გზებზე.