იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფი შექმნა

11 სექტემბერი 2019
იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფი შექმნა

იურიდიულ საკითხთა კომიტეტმა 2019 წლის 6 სექტემბერს საქართველოს პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კონსტიტუციისა და სხვა კანონის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფი შექმნა. 

„სამუშაო ჯგუფი 10 დღე იმუშავებს და 23 სექტემბერს დავიწყებთ თითოეული კანდიდატის ინდივიდუალურ მოსმენას, რაც ძალიან მნიშვნელოვანი პროცესია იურიდიულ საკითხთა კომიტეტში“, - განაცხადა კენჭისყრის შემდეგ კომიტეტის თავმჯდომარემ, ანრი ოხანაშვილმა.

საკითხის განხილვის დაწყებამდე, ანრი ოხანაშვილმა საქართველოს უზენაესი სასამართლოს მოსამართლეობის კანდიდატების შერჩევის პროცესთან დაკავშირებით განცხადება გააკეთა.

„საქართველოს ისტორიაში, არასდროს ასე გამჭვირვალედ, ამ ინტენსივობითა და ამ ხანგრძლივობით არ მომხდარა უზენაესი სასამართლოს მოსამართლეობის კანდიდატებთან გასაუბრების წარმართვა. ეს არის მმართველი გუნდის მიერ შემუშავებული კანონის მონაპოვარი“, - განაცხადა იურიდიულ საკითხთა კომიტეტის თავმჯდომარემ.

მან მმართველი გუნდის მიერ მიღებული კანონის მნიშვნელობაზეც ისაუბრა.

„ეს არის საზოგადოებრივი პროცესი, რომელიც უზრუნველყო ამ კანონმა. ამ კანონმა უზრუნველყო გასაუბრების ხანგრძლივი პროცესით წარმართვა. ჩვენს შეფასებას და დამოკიდებულებას დავაფიქსირებთ გადაწყვეტილებებში, რომელსაც ჯერ კომიტეტი და შემდგომ, თითოეული ჩვენგანი საქართველოს პარლამენტის პლენარულ სხდომაზე მიიღებს. მთავარი ჩვენი ამოცანაა, უზრუნველვყოთ ამ პროცესის მაქსიმალური გამჭვირვალობა, მაქსიმალური ჩართულობა, რათა მოქალაქეებს ჰქონდეთ საშუალება იურიდიულ საკითხთა კომიტეტის სხდომაზე პირდაპირ ეთერში ადევნონ თვალი საზოგადოებრივ და ისტორიულ პროცესს - თითოეულ კანდიდატთან გასაუბრებას“, - განაცხადა ანრი ოხანაშვილმა.

მისი თქმით, იურიდიულ საკითხთა კომიტეტი პროცესის მაქსიმალურად გამჭვირვალედ და გონივრულ ვადებში წარმართვას უზრუნველყოფს.

„როგორც იურიდიულ საკითხთა კომიტეტის თავმჯდომარე, უზრუნველვყოფ, რომ ეს პროცესი იყოს მაქსიმალურად გამჭვირვალე, შესაბამის გონივრულ ვადებში წარმართული, რათა საბოლოო შედეგი იყოს კომპეტენტური, კეთილსინდისიერი კანდიდატების შერჩევა. ეს მნიშვნელოვანი პროცესია და ჩვენ მას მაქსიმალურად ტრანსპარენტულად წარვმართავთ“, - განაცხადა ანრი ოხანაშვილმა.

იურიდიულ საკითხთა კომიტეტის თავმჯდომარემ სამუშაო ჯგუფის შემადგენლობასთან დაკავშირებით განმარტებები გააკეთა. მისი განცხადებით, რეგლამენტის შესაბამისად, სამუშაო ჯგუფში შევლენ როგორც პარლამენტის წევრები, ასევე დარგის სპეციალისტები.

„ჩვენ გვქონდა კონსულტაციები საპარლამენტო ოპოზიციასთან, ვისაუბრეთ და ვიმსჯელეთ იმაზე, როგორ უნდა იყოს წარმოდგენილი სამუშაო ჯგუფში საპარლამენტო შემადგენლობა. მაქსიმალურად ობიექტური კრიტერიუმი რომ დაგვეცვა, ჩვენ შევთავაზეთ ყველა ფრაქციას, უზრუნველყოს თითო წარმომადგენლობა ამ სამუშაო ჯგუფში“, - განაცხადა ანრი ოხანაშვილმა.

შესაბამისად, მისი განმარტებით, სამუშაო ჯგუფში „ქართულ ოცნება“ წარმოდგენილი იქნება 7 წევრით, რადგან აქვს შვიდი ფრაქცია, „ევროპულ საქართველო“ - სამი წევრით, „ნაციონალური მოძრაობა“ და „პატრიოტთა ალიანსი“ კი, ჯგუფში თითო წევრით იქნებიან წარმოდგენილი.

მისივე თქმით, კომუნიკაცია შედგა რამდენიმე დამოუკიდებელ დეპუტატთან და მათი კანდიდატურა ჯგუფს უახლოეს პერიოდში წარედგინება. ანრი ოხანაშვილის განცხადებით, პროცესის მეტად გამჭვირვალობისთვის, „ადვოკატთა ასოციაციას“ მისი თავმჯდომარე, ხოლო „იურიდიული დახმარების სამსახურს“ სამსახურის ხელმძღვანელი წარმოადგენენ. ჯგუფის შემადგენლობაში ჩართული იქნებიან აკადემიური სფეროს წარმომადგენლები: თბილისის სახელმწიფო უნივერსიტეტის იურიდიული ფაკულტეტის დეკანი, პროფესორი თამარ ზარანდია და საქართველოს მეცნიერებათა აკადემიის წევრი, აკადემიკოსი ჯონი ხეცურიანი.

„ვფიქრობთ, მათი ჩართულობა ძალიან წაადგება ამ პროცესს და იქმნება შესაძლებლობა იმის, რომ ეს პროცესი ასევე მაქსიმალურად გამჭვირვალედ წარვმართოთ და მივიყვანოთ ბოლომდე იმისთვის, რომ ღირსეული, კომპეტენტური და კეთილსინდისიერი კანდიდატები იქნენ შერჩეული“, - განაცხადა იურიდიულ საკითხთა კომიტეტის თავმჯდომარემ.

ანრი ოხანაშვილის ინფორმაციით, არასამთავრობო სექტორი თითოეული კანდიდატის შესახებ ამუშავებს ინფორმაციას. მანვე განმარტა, რომ მას პირდაპირი კომუნიკაცია ჰქონდა სახალხო დამცველთან და შესთავაზა მას პროცესში ჩართულობა, თუმცა, მისივე განმარტებით, გარკვეული ობიექტური მიზეზების გამო, სახალხო დამცველი აღნიშნულ პროცესში მონაწილეობას ვერ მიიღებს.

მანვე აღნიშნა, რომ კომიტეტის თითოეული წევრი დღესვე მიიღებს ყველა იმ მასალას, რომელიც შემოსულია იუსტიციის უმაღლესი საბჭოდან. პარლამენტი ასევე უზრუნველყოფს აღნიშნული მასალების პარლამენტის საიტზე გამოქვეყნებას.

როგორც ფრაქცია „ევროპული საქართველოს“ თავმჯდომარემ, ოთარ კახიძემ განაცხადა, იმ შემთხვევაში თუკი უზრუნველყოფილი იქნება სამუშაო ჯგუფში არასამთავრობო სექტორის ჩართულობა და სამუშაო ჯგუფის ფორმატი იქნება არა ფორმალური შესაბამისობის, არამედ კანონმდებლობასთან და კონსტიტუციასთან შესაბამისობის დადგენა, რაც კეთილსინდისიერების და კომპეტენტურობის კრიტერიუმსაც გულისხმობს, „ევროპული საქართველო“ მიიღებს სამუშაო ჯგუფის მუშაობაში მონაწილეობას, ხოლო თუ ამ ჯგუფის ფუნქციებში იქნება მხოლოდ წარმოდგენილი დოკუმენტების კანონმდებლობასთან ფორმალური შესაბამისობის დადგენა, მაშინ არც ის და არც მისი კოლეგები მონაწილეობას არ მიიღებენ ჯგუფის საქმიანობაში.

აღნიშნულთან დაკავშირებით, იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა, რომ სამუშაო ჯგუფის ფორმატი შინაარსობრივ შეფასებას ვერ გააკეთებს არსებული საკანონმდებლო ჩანაწერებიდან და იმ ლოგიკური დასკვნიდან გამომდინარე, რომელსაც პარლამენტის რეგლამენტი იძლევა. მისივე თქმით, საკითხის კომიტეტზე განხილვის დროს მოწვეული იქნებიან როგორც სახალხო დამცველის, ასევე არასამთავრობო ორგანიზაციების კოალიციის წარმომადგენლები და მათ მიეცემათ საშუალება დასვან მათთვის სასურველი შეკითხვები.

გალერეა

  • იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფის შექმნა, 2019 წლის 11 ს
  • იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფის შექმნა, 2019 წლის 11 ს
  • იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფის შექმნა, 2019 წლის 11 ს
  • იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფის შექმნა, 2019 წლის 11 ს
  • იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფის შექმნა, 2019 წლის 11 ს
  • იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფის შექმნა, 2019 წლის 11 ს
  • იურიდიულ საკითხთა კომიტეტმა პარლამენტისთვის ასარჩევად წარდგენილი საქართველოს უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით კომიტეტის სამუშაო ჯგუფის შექმნა, 2019 წლის 11 ს