ზაზა გაბუნია იაპონელ ხალხს სამძიმარს უცხადებს

11 ივლისი 2018
ზაზა გაბუნია იაპონელ ხალხს სამძიმარს უცხადებს

რეგიონული პოლიტიკისა და თვითმმართველობის კომიტეტის თავმჯდომარემ ზაზა გაბუნიამ იაპონიაში მომხდარი წყალდიდობის გამო საქართველოში იაპონიის ელჩს, ტადაჰარუ უეჰარას სამძიმრის წერილი გაუგზავნა.

„ღრმა მწუხარებას გამოვთქვამთ იაპონიაში შექმნილი რთული ვითარების და იმ დანაკარგის გამო, რაც იაპონელმა ხალხმა განიცადა წყალდიდობის დროს ადამიანების დაღუპვით. ამ მძიმე წუთებში მიიღეთ ჩვენი მხარდაჭერა და თანადგომა.

ჩვენი ქვეყანა მადლიერია იმ მხარდაჭერის გამო, რომელსაც იაპონელი ხალხი წლების მანძილზე იჩენს საქართველოს და ქართველი ხალხის მიმართ. ამით გაჩნდა შესაძლებლობა განგვეხორციელებინა ბევრი ინფრასტრუქტურული პროექტი ჩვენს რეგიონებში, რომელიც ძალიან მნიშვნელოვანია საქართველოში მცხოვრები ათასობით ბავშვისა თუ ოჯახისათვის“, - ნათქვამია რეგიონული პოლიტიკისა და თვითმმართველობის კომიტეტის თავმჯდომარის ზაზა გაბუნიას წერილში.