გენდერული თანასწორობის მუდმივმოქმედი საპარლამენტო საბჭოს წევრები საქართველოში ვიზიტით მყოფ ისრაელის ლიდერ ქალთა ფორუმის წარმომადგენლებს შეხვდნენ.

„ისრაელიდან ჩამოსულია 30-ზე მეტი სხვადასხვა სფეროს წარმომადგენელი ლიდერი ქალი, მათ შორის, პარლამენტის წევრები. გაცნობითი ხასიათის შეხვედრაზე მნიშვნელოვანი საკითხები განვიხილეთ, მათ შორის, საქართველოსა და ისრაელს შორის არსებულ მრავალსაუკუნოვან მეგობრულ ურთიერთობებზე და მისი გაღრმავების მნიშვნელობაზე“, - განაცხადა შეხვედრის დასრულების შემდეგ გენდერული თანასწორობის მუდმივმოქმედი საპარლამენტო საბჭოს თავმჯდომარე ნინო წილოსანმა.

შეხვედრას ქართული მხრიდან ასევე ესწრებოდნენ საბჭოს წევრები: ხატია წილოსანი და ბაია კვიციანი.