საქართველოს პარლამენტი

  • ღია პარლამენტი
  • გენდერული თანასწორობის საბჭო
  • საპარლამენტო დიპლომატია
  • კვლევითი ცენტრი
  • სასარგებლო ბმულები
  • ტერმინთა განმარტება
  • პარლამენტი
    პლენარული სხდომები
    ბიურო
    კომიტეტები
    ფრაქციები
    საპარლამენტო უმრავლესობა
    საპარლამენტო ოპოზიცია
    პოლიტიკური ჯგუფები
    უფრაქციო პარლამენტის წევრები
    კომისიები, საბჭოები
    საპარლამენტო დიპლომატია
    აპარატი
    სასწავლო ცენტრი
  • პარლამენტის წევრები
  • კანონმდებლობა
  • ზედამხედველობა
  • მედია
  • საჯარო ინფორმაცია
  • ჩაერთე
თარიღით ძებნა

საქართველოს პარლამენტი

ძიება
  • English
  • სიახლეები
  • ანონსი
  • პირდაპირი ეთერი
  • ვიდეოგალერეა

საინფორმაციო ბრიფინგი ანტიკორუფციული რეფორმის საკანონმდებლო ინიციატივის თაობაზე

პარლამენტარები 01 სექტემბერი 2020
საინფორმაციო ბრიფინგი ანტიკორუფციული რეფორმის საკანონმდებლო ინიციატივის თაობაზე

საქართველოს პარლამენტის წევრებმა: თამარ ჩუგოშვილმა, ირინე ფრუიძემ და დიმიტრი ცქიტიშვილმა საინფორმაციო ბრიფინგი გამართეს, საქართველოს პარლამენტის 31 აგვისტოს ბიუროზე დარეგისტრირებულ საკანონმდებლო პაკეტთან დაკავშირებით, რომლის მიზანია ქვეყანაში მნიშვნელოვანი ანტიკორუფციული რეფორმის გატარება.

„ჩვენი საკანონმდებლო პაკეტი შეეხება იმ თემას, რომელზეც, ბოლო პერიოდის განმავლობაში, სულ უფრო აქტიურად საუბრობენ როგორც ქვეყნის შიგნით, ასევე საერთაშორისო მასშტაბით. ეს არის კორუფციის პრობლემა და კორუფციასთან ბრძოლის ინსტიტუტების სისუსტე საქართველოში. მოგეხსენებათ, რომ ევროპარლამენტის მიერ მიღებულ რეზოლუციაში საქართველოს პირდაპირ აქვს ვალდებულება დაკისრებული, რომ შექმნას დამოუკიდებელი მექანიზმი, რომელიც უზრუნველყოფს ქვეყანაში კორუფციის წინააღმდეგ ბრძოლას. ასევე, სულ ახლახან, კონგრესის მიერ მიღებული რეზოლუციებით ხაზი გაესვა ქვეყანაში კორუფციის პრობლემას. თუმცა, ყველაზე მნიშვნელოვანი არის ის, რასაც ჩვენი მოქალაქეები აწყდებიან და ხედავენ ყოველდღიურ ცხოვრებაში“, - განაცხადა თამარ ჩუგოშვილმა.

მისივე თქმით, საკანონმდებლო პაკეტი 30 კანონპროექტისგან შედგება და გულისხმობს კორუფციასთან ბრძოლას სამი ძირითადი მიმართულებით: 1. კორუფციული დანაშაულების მიუკერძოებელი და ეფექტური გამოძიება; 2. პოლიტიკური გაერთიანებების დაფინანსების კანონიერების ეფექტური კონტროლი; 3. თანამდებობის პირების ქონებრივი მდგომარეობის ეფექტური კონტროლი.
თამარ ჩუგოშვილმა აღნიშნა, რომ ინიციატივის თანახმად, კორუფციასთან ბრძოლის ინსტიტუტები უნდა იყოს სრულიად დამოუკიდებელი, მაღალი ლეგიტიმაციის, მაღალი საზოგადოებრივი ნდობის და სამივე თემას - პოლიტიკურ დაფინანსებას, კორუფციული დანაშულების გამოძიებას და თანამდებობის პირების შემოსავლების და დეკლარაციის კონტროლს უნდა ახდენდეს დამოუკიდებელი ინსტიტუტი - ეროვნული ანტიკორუფციული სააგენტო.

„ეს არის ძალიან მნიშვნელოვანი ინიციატივა, რომელიც აუცილებელია, რომ მივიღოთ, თუ გვინდა, რომ რეალურად ქვეყანაში კორუფცია არ გვქონდეს, ვითარება არ გაგვიუარესდეს, არ დაგვიმძიმდეს და არ ჩავეფლოთ კორუფციის მიმართულებით ნეგატიურ პროცესებში. ჩემი აზრით, ამ საკანონმდებლო ინიციატივის განხილვას და მიღებას ძალიან დეტალურად ადევნებენ თვალყურს ჩვენი საერთაშორისო პარტნიორები და მათთვისაც ძალიან მნიშვნელოვანია, თუ რას გადაწყვეტს და რას გააკეთებს პარლამენტი ამ თემასთან დაკავშირებით. ჩვენ დავაინიცირეთ ეს საკანონმდებლო პაკეტი, როგორც დამოუკიდებელმა პარლამენტის წევრებმა, თუმცა, კანონის მისაღებად აუცილებელია საპარლამეტო უმრავლესობის ხმები და შესაბამისად, იმედი გვაქვს, რომ საპარლამენტო უმრავლესობა სერიოზულად დაფიქრდება ამ ინიციატივასთან დაკავშირებით და მნიშვნელოვან როლს შეიტანს დამოუკიდებელი ინსტიტუტის შექმნასა და, ზოგადად, ამ მნიშვნელოვანი რეფორმის განხორციელებაში“, - განაცხადა თამარ ჩუგოშვილმა. 

მისივე თქმით, კანონპროექტზე მუშაობის პროცესში საკანონმდებლო პაკეტის ინიციატორებმა ითანამშრომლეს „საერთაშორისო გამჭირვალობა - საქართველოსთან“ და იმ სხვა ორგანიზაციებსა თუ პირებთან, რომლებიც ყველაზე კომპეტენტურები არიან ამ მიმართულებით.

პარლამენტის წევრის, დიმიტრი ცქიტიშვილს განცხადებით, ეს არ არის მხოლოდ ინიციატივა, არამედ ეს არის ინსტიტუციური რეფორმა, რომლის გატარებაც მნიშვნელოვანია.

„ამ კანონპროექტში გათვალისწინებულია ისეთი სტრუქტურული, ორგანიზაციული ფორმა, რომელიც თავისუფალი იქნება პოლიტიკური არჩევნებისგან, პოლიტიკური ციკლებისგან და, შესაბამისად, მთავრობის ცვლა არ გამოიწვევს ამ ინსტიტუტის დაკნინებას. ეს არის კორუფციასთან ბრძოლის სისტემური მიდგომა“, - აღნიშნა დიმიტრი ცქიტიშვილმა.

პარლამენტის წევრის, ირინე ფრუიძის განმარტებით, წარმოდგენილ ინიციატივაში მნიშვნელოვანია ის ფაქტი, რომ კორუფციასთან ბრძოლის თვალსაზრისით არსებული უფლებამოსილებები, რომლებიც დღეს გაფანტულია სხვადასხვა უწყებაში, თავს მოიყრის ერთად, რაც იქნება უკეთესი კოორდინაციის დასაბამი, როგორც კორუფციასთან ბრძოლის დაგეგმვის, ასევე - განხორციელების თვალსაზრისით. 

„ჩვენ იმედი გვაქვს, რომ უმრავლესობა მხარს დაუჭერს ამ კანონპროექტს და უახლოეს მომავალში მივიღებთ ახალ, დამოუკიდებელ უწყებას, რომელიც გააძლიერებს საქართველოში კორუფციის პრევენციას და კორუფციასთან ბრძოლას“, - განაცხადა ირინე ფრუიძემ. 

საკანონმდებლო პაკეტის ინიციატორები არიან საქართველოს პარლამენტის წევრები: თამარ ჩუგოშვილი, თამარ ხულორდავა, ირინე ფრუიძე, ნინო გოგუაძე და დიმიტრი ცქიტიშვილი.

ამობეჭდვა

გამოიწერე სიახლეები

საპარლამენტო უმრავლესობისა და ოპოზიციის წარმომადგენლები „სინოფარმის“ კორონავირუსის საწინააღმდეგო ვაქცინით აიცრნენ
12 მაისი 2021

საპარლამენტო უმრავლესობისა და ოპოზიციის წარმომადგენლები „სინოფარმის“ კორონავირუსის საწინააღმდეგო ვაქცინით აიცრნენ

მსგავსი

საქართველოს პარლამენტის წევრის, ეკა ბესელიას ბრიფინგი
12 ოქტომბერი 2020

საქართველოს პარლამენტის წევრის, ეკა ბესელიას ბრიფინგი

ლევან კობერიძე: „ვაქცინაცია არის ხსნა და გარკვეული პრევენცია იმისა, რომ კოვიდ 19-ის ეპიდემია კიდევ უფრო მძლავრად არ იფეთქებს საქართველოში“
24 სექტემბერი 2020

ლევან კობერიძე: „ვაქცინაცია არის ხსნა და გარკვეული პრევენცია იმისა, რომ კოვიდ 19-ის ეპიდემია კიდევ უფრო მძლავრად არ იფეთქებს საქართველოში“

ეკა ბესელია: ჩემი მოთხოვნაა, იმავე ვადაში მოხდეს ჩემი ინიციატივის განხილვა, რა ვადაშიც მოხდება საპარლამენტო უმრავლესობის მიერ წარმოდგენილი „საარჩევნო კოდექსში“ შესატანი ცვლილებების განხილვა
31 აგვისტო 2020

ეკა ბესელია: ჩემი მოთხოვნაა, იმავე ვადაში მოხდეს ჩემი ინიციატივის განხილვა, რა ვადაშიც მოხდება საპარლამენტო უმრავლესობის მიერ წარმოდგენილი „საარჩევნო კოდექსში“ შესატანი ცვლილებების განხილვა

ეკა ბესელია საქართველოში ისრაელის ელჩს რან გიდორს შეხვდა
28 ივლისი 2020

ეკა ბესელია საქართველოში ისრაელის ელჩს რან გიდორს შეხვდა

საქართველოს პარლამენტი

  • დასაქმება
  • მედია
  • საჯარო ინფორმაცია
  • კონტაქტი
  • კომიტეტები
  • ბიურო
  • კომისიები და საბჭოები
  • ფრაქციები
  • ზედამხედველობა
  • საბიუჯეტო ოფისის ვებგვერდი
ვებგვერდი მომზადებულია USAID-ის მხარდაჭერით. მასზე განთავსებული ინფორმაცია შესაძლოა არ ასახავდეს აშშ-ის მთავრობის და USAID-ის შეხედულებებს.
USAID
© 2019 საქართველოს პარლამენტი Read about our approach to external linking.
Crafted By Leavingstone Leavingstone
კონტაქტი

საქართველოს პარლამენტი

USAID Leavingstone
+
A
-
A
A
A
a
A
R