საპარლამენტო უმრავლესობის ლიდერი ირაკლი კობახიძე სტუდენტური პარლამენტის წევრებს შეხვდა და ქვეყნაში მიმდინარე პოლიტიკურ და ეკონომიკურ პროცესებზე ესაუბრა.

„სტუდენტები, ახალგაზრდები დაინტერესებული არიან იმით, რაც ხდება ქვეყანაში. ეს ინტერესი, თავისთავად, ძალიან მნიშვნელოვანია. იყო უამრავი საკითხი, რაზეც გვქონდა საუბარი, მათ შორის, პოლიტიკური და ეკონომიკური საკითხები. ინტერესი იყო ძალიან დიდი და რა თქმა უნდა, ეს კომუნიკაცია არის იმისათვის, რომ ახალგაზრდებს ჰქონდეთ უშუალოდ პოლიტიკაში ჩართული ადამიანებისგან მეტი ინფორმაცია, თუნდაც იმაზე, რაც ხდება პოლიტიკის კულისებში“, - განაცხადა ირაკლი კობახიძემ შეხვედრის დასრულების შემდეგ.