პარლამენტის აპარატის უფროსი კახა ოქროჯანაშვილი სომხეთის რესპუბლიკის ელჩს შეხვდა
საქართველოს პარლამენტის აპარატის უფროსი კახა ოქროჯანაშვილი სომხეთის რესპუბლიკის საგანგებო და სრულუფლებიან ელჩს აშოტ სმბატიანს შეხვდა.
შეხვედრაზე მხარეებმა ორი ქვეყნის საკანონმდებლო ორგანოს აპარატებს შორის ურთიერთობების გაღრმავების მიმართულებებზე ისაუბრეს და ყურადღება აპარატის თანამშრომელთა გაცვლითი პროგრამების მნიშვნელობაზე გაამახვილეს.
შეხვედრაზე აღინიშნა, რომ აპარატის მუშაობის გამოცდილების და საუკეთესო პრაქტიკის გაზიარების მიზნით, პარლამენტების აპარატებში დასაქმებულთა ორმხრივი ვიზიტები საქართველო-სომხეთის პარლამენტების აპარატების თანამშრომლობას კიდევ უფრო საინტერესოს და შედეგიანს გახდის.
საქართველოს პარლამენტის აპარატის უფროსის განცხადებით, ელჩთან შეხვედრისას ორმხრივი თანამშრომლობის რამდენიმე მიმართულება გამოიკვეთა, რომლის თაობაზე საუბარი სომხეთის პარლამენტის თავმჯდომარის დელეგაციის საქართველოში ვიზიტისას გაგრძელდება. დელეგაციის შემადგენლობაშიც სომხეთის პარლამენტის აპარატის უფროსიც იქნება.
