პარლამენტის ბიუროს დღევანდელ სხდომაზე პლენარული სხდომის დღის წესრიგში განხორციელებული ცვლილებების შესახებ იმსჯელეს.

პლენარული სხდომის დღის წესრიგს მეორე მოსმენით განსახილველად დაემატა საქართველოს ორგანული კანონის პროექტი „საქართველოს ორგანულ კანონში „ადგილობრივი თვითმმართველობის კოდექსი“ ცვლილებების შეტანის შესახებ.

დღეს პარლამენტი მინისტრის საათის ფორმატში შერიგებისა და სამოქალაქო თანასწორობის საკითხებში საქართველოს სახელმწიფო მინისტრს თეა ახვლედიანს მოუსმენს.

სახელმწიფო მინისტრი პარლამენტს გაწეული მუშაობის ანგარიშს წარუდგენს.

ბიუროს სხდომაზე განიხილეს საორგანიზაციო საკითხებიც.