პარლამენტმა მესამე, საბოლოო მოსმენით განიხილა და 77 ხმით, ერთხმად მიიღო „უმაღლესი განათლების შესახებ“ კანონი.

წარმოდგენილი ინიციატივით, ახლებურად რეგულირდება სამხედრო უმაღლესი საგანმანათლებლო დაწესებულების სტუდენტის სტატუსის შეჩერებისა და მობილობასთან დაკავშირებული საკითხები.

ცვლილების შედეგად განსხვავებულად დარეგულირდება დავით აღმაშენებლის სახელობის საქართველოს ეროვნული თავდაცვის აკადემიაში სტუდენტის მობილობისა და სტატუსის შეჩერების საკითხები.

ცვლილების მიხედვით, თავდაცვისა და უსაფრთხოების სფეროში შენარჩუნდება კვალიფიციური პერსონალით დაგეგმარების უწყვეტობა, ასევე, მოხდება საბიუჯეტო სახსრების მიზნობრივი ხარჯვის ოპტიმიზაცია.