საპარლამენტო უმრავლესობის წარმომადგენლები NDI-ის ახალ რეგიონულ დირექტორს შეხვდნენ
საპარლამენტო უმრავლესობის წარმომადგენლებმა ეროვნულ-დემოკრატიული ინსტიტუტის NDI-ის ახალ რეგიონულ დირექტორთან, ევა ბუჟასთან გაცნობითი შეხვედრა გამართეს.
მხარეებმა იმ პრიორიტეტების შესახებ ისაუბრეს, რომელიც ცალკეულ კომიტეტებსა და ზოგადად, პარლამენტს აქვს საქმიანობაში და განიხილეს თემები, რომელთა ირგვლივაც ეროვნულ-დემოკრატიულ ინსტიტუტთან თანამშრომლობა იგეგმება.
„შეხვედრისას, საუბარი გვქონდა იმ პრიორიტეტების შესახებ, რომელიც გვაქვს ცალკეულ კომიტეტებსა და ზოგადად პარლამენტს ჩვენს საქმიანობაში და რომელთან დაკავშირებითაც, გვესახება პროდუქტიულად თანამშრომლობა ეროვნულ-დემოკრატიულ ინსტიტუტთან. გამოიკვეთა ისეთი განსაკუთრებულად მნიშვნელოვანი თემები, რომელიც ადამიანის უფლებებს, განათლების საკითხებს, გენდერული თანასწორობის საკითხებს უკავშირდება. ჩვენ განხილვა გვქონდა არა მხოლოდ კონკრეტულ თემებზე არამედ, პარლამენტის შესაძლებლობების გაძლიერების კუთხით თანმშრომლობაზე - როგორიცაა ზედამხედველობის და მონიტორინგის მექანიზმების გაუმჯობესება. ამ კუთხით იგეგმება გარკვეული აქტივობები და ვფიქრობ, ეს მნიშვნელოვნად გააუმჯობესებს ქართული პარლამენტის შესაძლებლობებს. ვფიქრობ, ეროვნულ-დემოკრატიულ ინსტიტუტთან ჩვენი სამომავლო თანამშრომლობა იქნება არანაკლებ წარმატებული ვიდრე ეს ამ დრომდე იყო“, - განაცხადა შეხვედრის დასრულების შემდეგ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ.
