ბრიუსელში დაგეგმილ საერთაშორისო კონფერენციის საკითხების განხილვას დაეთმო პარლამენტის თავმჯდომარის მოადგილის, ირმა ინაშვილის და საქართველოში შვეიცარიის კონფედერაციის საგანგებო და სრულუფლებიანი ელჩის, ლუკას ბეგლინგერის შეხვედრა.

ირმა ინაშვილმა დიპლომატს საქართველო-ნატო-რუსეთის ფორმატის შეხვედრის გამართვის თაობაზე ინფორმაცია მიაწოდა და აღნიშნა, რომ კონფერენციის მსვლელობისას, საჯარო პანელებზე ქართველი, ევროპელი და რუსი ექსპერტები განიხილავენ, თუ რა გამოწვევები და შესაძლო შედეგებია მოსალოდნელი აღნიშნული თანამშრომლობით.

საქართველო-ნატო-რუსეთის სამმხრივი ფორმატის შეხვედრა ბრიუსელში 7 დეკემბერს გაიმართება.