პარლამენტის კულტურის კომიტეტის თავმჯდომარე ელისო ბოლქვაძე ლატვიის რესპუბლიკაში სამუშაო ვიზიტის ფარგლებში, ლატვიის პარლამენტის განათლების, კულტურის და მეცნიერების კომიტეტის თავმჯდომარეს აგიტა ზარინა-სტურეს და კომიტეტის წევრებს შეხვდა.

შეხვედრაზე ორი ქვეყნის პარლამენტის კომიტეტებს შორის არსებული ურთიერთობების გაღრმავებასა და თანამშრომლობაზე ისაუბრეს.

ძირითადი აქცენტი ლატვიის სახელოვნებო განათლების სისტემაზე გაკეთდა, რომელიც საქართველოში მიმდინარე სახელოვნებო განათლების რეფორმისთვის წარმატებულ მოდელს წარმოადგენს.

ლატვიის პარლამენტში გამართული შეხვედრას ესწრებოდნენ კულტურის კომიტეტის წევრი ბაია კვიციანი და ლატვიის რესპუბლიკაში საქართველოს საგანგებო და სრულუფლებიანი ელჩი ირაკლი ყურაშვილი.