საფინანსო-საბიუჯეტო კომიტეტის თავმჯდომარის პირველი მოადგილე გოგი მეშველიანი თურქმენეთის საპარლამენტო დელეგაციის წევრებს შეხვდა.

მხარეებმა საქართველოსა და თურქმენეთის პარლამენტების სტრუქტურული ორგანიზების საკითხებზე ისაუბრეს. განსაკუთრებული ყურადღება გამახვილდა საფინანსო-საბიუჯეტო კომიტეტის საქმიანობაზე.

„შეხვედრაზე დელეგაციის წევრებს გავაცანი საქართველოს პარლამენტის ფორმირებისა და საქმიანობის წესი. განვიხილეთ საფინანსო-საბიუჯეტო კომიტეტისა და კომიტეტთან არსებული სახელმწიფო აუდიტის სამსახურის ანგარიშების განმხილველი მუდმივმოქმედი აუდიტის ჯგუფის მუშაობა. მათ ასევე აინტერესებდათ ჩვენი საბიუჯეტო სისტემა, განსაკუთრებით ადგილობრივი თვითმმართველობების დაფინანსების ნაწილში“, - განაცხადა გოგი მეშველიანმა შეხვედრის დასრულების შემდეგ.