სპორტის კომიტეტის თავმჯდომარე ირაკლი მეძმარიაშვილი ერგნეთის და ნიქოზის საჯარო სკოლების წარჩინებულ მოსწავლეებს შეხვდა.

ირაკლი მეძმარიაშვილმა სკოლის მოსწავლეებს სპორტის კომიტეტის საქმიანობის ძირითადი მიმართულებები გააცნო და წარმატებულ სპორტსმენებზე ესაუბრა.

„სკოლის მოსწავლეები ინტერესით გაეცნენ საკანონმდებლო ორგანოს და უშუალოდ სპორტის კომიტეტის საქმიანობას. იმედი მაქვს, რომ ამ ბავშვების უმრავლესობა წარმატებული საჯარო მოხელე და პარლამენტის წევრი გახდება. ჩვენი სურვილია ოკუპირებული ტერიტორიების მიმდებარე დასახლებების სკოლის მოსწავლეები ხშირად გვეწვიონ პარლამენტში, რათა ახალგაზრდებმა მეტი ინფორმაცია მიიღოს საკანონმდებლო ორგანოს და კანონშემოქმედებითი საქმიანობის შესახებ“, - განაცხადა ირაკლი მეძმარიაშვილმა.

​კომიტეტის თავმჯდომარე სკოლის მოსწავლეებთან ერთად პარლამენტის სხდომათა დარბაზში, ქართული პარლამენტარიზმის მუზეუმში და ბორის პაიჭაძის სახელობის ეროვნულ სტადიონზე იმყოფებოდა.