ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე და ბავშვის უფლებათა დაცვის მუდმივმოქმედი საპარლამენტო საბჭოს თავმჯდომარე ბაია კვიციანი ბავშვის უფლებებზე მომუშავე ორგანიზაციების წარმომადგენლებს შეხვდნენ.

​შეხვედრა ადამიანის უფლებათა დაცვისა და სამოქალაქო ინტეგრაციის კომიტეტის 2024 წლის სამოქმედო გეგმაზე მუშაობის ფარგლებში გაიმართა და მიზნად ისახავდა დაინტერესებული მხარეებისთვის კომიტეტის წლის თემატური პრიორიტეტებისა და მოსაზრებების გაცნობას.

​მხარეებმა გაცვალეს მოსაზრებები და იმსჯელეს კომიტეტისა და საბჭოს სამოქმედო გეგმის ფარგლებში თანამშრომლობის პერსპექტივებზე.