მიხეილ სარჯველაძე და გივი მიქანაძე საქართველოს ეროვნული უნივერსიტეტისა და კავკასიის საერთაშორისო უნივერსიტეტის სტუდენტებს შეხვდნენ
ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე და განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე საქართველოს ეროვნული უნივერსიტეტის მაგისტრატურისა და კავკასიის საერთაშორისო უნივერსიტეტის იურიდიული კლინიკის სტუდენტებს შეხვდნენ.
შეხვედრაზე ადამიანის უფლებების დაცვის მიმართულებით საპარლამენტო ზედამხედველობის მექანიზმის შესახებ ისაუბრეს.
მიხეილ სარჯველაძემ სტუდენტებს ახალი პენიტენციური კანონი გააცნო.
პარლამენტის წევრებმა სტუდენტების კითხვებს უპასუხეს.
საქართველოს ეროვნული უნივერსიტეტის მაგისტრატურისა და კავკასიის საერთაშორისო უნივერსიტეტის იურიდიული კლინიკის სტუდენტები პარლამენტში სასწავლო ვიზიტით განათლების, მეცნიერებისა და ახალგაზრდულ საქმეთა კომიტეტის თავმჯდომარის გივი მიქანაძის მოწვევით იმყოფებოდნენ.
სტუდენტებისთვის საკანონმდებლო ორგანოში საექსკურსიო ტური მოეწყო.