პარლამენტმა საქართველოს კომუნიკაციების ეროვნული კომისიის წევრად გოგა გულორდავას არჩევის შესახებ გადაწყვეტილება 77 ხმით, ერთხმად მიიღო.

გოგა გულორდავა საქართველოს კომუნიკაციების ეროვნული კომისიის წევრად 6 წლის ვადით აირჩიეს. პარლამენტის შესაბამისი დადგენილება 2026 წლის 26 იანვრიდან ამოქმედდება.

​საქართველოს კომუნიკაციების ეროვნული კომისიის წევრის ვაკანტურ თანამდებობაზე ასარჩევად საქართველოს პრეზიდენტის მიერ პარლამენტში წარმოდგენილი იყო გოგა გულორდავას, ვლადიმერ ტატიშვილისა და ილია მიქელაიშვილის კანდიდატურები.