თუშეთის დაცული ლანდშაფტის საზღვრები 2245 ჰექტარით ფართოვდება. აღნიშნულიდან გამომდინარე ცვლილებები შედის „თუშეთის, ბაწარა-ბაბანეურის, ლაგოდეხისა და ვაშლოვანის დაცული ტერიტორიების შექმნისა და მართვის შესახებ“ საქართველოს კანონში.

კანონპროექტი მესამე მოსმენით გარემოს დაცვისა და სოფლის მეურნეობის მინისტრის მოადგილემ იური ნოზაძემ წარადგინა, რომელიც პარლამენტმა 84 ხმით, ერთხმად მიიღო.