დარგობრივი ეკონომიკისა და ეკონომიკური პოლიტიკის კომიტეტის თავმჯდომარის პირველი მოადგილე გიორგი ბეგაძე თბილისის მუნიციპალიტეტის მერიის ეკონომიკური განვითარების საქალაქო სამსახურის უფროსს, ანდრია ბასილაიას შეხვდა. 

შეხვედრაზე საუბარი შეეხო ტურიზმის შესახებ კანონმდებლობას, ტურიზმის სფეროში არსებულ გამოწვევებსა და მათი გადაჭრის გზებს. მხარეებმა ყურადღება გაამახვილეს დედაქალაქის ტურისტული ინფრასტრუქტურისა და ტურისტული პოტენციალის განვითარების პერსპექტივაზე, მიღწევებსა და გამოწვევებზე. 

შეხვედრაში მონაწილეობდა თბილისის მუნიციპალიტეტის მერიის ეკონომიკური განვითარების საქალაქო სამსახურის უფროსის მოადგილე, ნინო მაღრაძე.