თბილისის დაძმობილებული ქალაქ ბრისტოლის ბიზნესწრეების წარმომადგენლები დღეს პარლამენტის დარგობრივი ეკონომიკისა და ეკონომიკური პოლიტიკის კომიტეტს სტუმრობდნენ. ბრიტანელი სტუმრები დაინტერესდნენ საქართვლოში არსებული საინვესტიციო შესაძლებლობებით, ამ მიმართულებით ქვეყანაში არსებული საკანონმდებლო ბაზით, ტექნოლოგიური ინოვაციების დანერგვის ტენდენციებით, საქართველოს პარლამენტის და კონკრეტულად დარგობრივი ეკონომიკისა და ეკონომიკური პოლიტიკის კომიტეტის საქმიანობით.

კომიტეტის თავმჯდომარემ, ზურაბ ტყემალაძემ, კომიტეტის წევრებმა თეიმურაზ მაისურაძემ და პაატა კვიჟინაძემ ამომწურავად უპასუხეს მათ შეკითხვებს. ისაუბრეს მომავალში საქმიანი და მეგობრული ურთიერთობების გაღრმავებაზე.