მართლმადიდებლობის საპარლამენტთაშორისო ასამბლეაში საქართველოს მუდმივმოქმედი საპარლამენტო დელეგაციის ხელმძღვანელი ზაქარია ქუცნაშვილი, სტამბოლში მართლმადიდებლობის საპარლამენტთაშორისო ასამბლეის საერთაშორისო სამდივნოს წევრებისა და კომისიების თავმჯდომარეთა სხდომას დაესწრება.

ზაქარია ქუცნაშვილი 2 მარტს მართლმადიდებლობის საპარლამენტთაშორისო ასამბლეის ხელმძღვანელობას შეხვდება, ხოლო 3-4 მარტს დაესწრება კონფერენციას თემაზე: „მონოთეისტური რელიგიის სოციალური განზომილება“. კონფერენციის ფარგლებში რამდენიმე სხდომა გაიმართება, რომლებიც სხვადასხვა სკითხებს მიეძღვნება: დემოკრატია, სამოქალაქო საზოგადოება და რელიგიური რწმენა; ეკონომიკური და ეკოლოგიური კრიზისი, სოციალური მონაპოვარი, პოლიტიკური ინსტიტუტები და რელიგიის ღვაწლი; რელიგია საზოგადოებრივ განზომილებაში; სახელმწიფო და რელიგია: თანაარსებობა და კონფრონტაცია.