განათლების, მეცნიერებისა და ახალგაზრდულ საქმეთა კომიტეტმა მეორე მოსმენით, დაჩქარებული წესით განიხილა „უმაღლესი განათლების შესახებ“ საქართველოს კანონში ცვლილებების შეტანის თაობაზე“ საქართველოს კანონში ცვლილების შეტანის შესახებ“ კანონპროექტი.

ცვლილებების თანახმად, 2025 წლის 17 დეკემბრამდე ჩარიცხულ სტუდენტებს გარდამავალ პერიოდში (2030-2031 სასწავლო წლის ჩათვლით) შეუნარჩუნდებათ არა მხოლოდ უკვე მოპოვებული დაფინანსება, არამედ მიეცემათ მისი მოპოვებისა და გაუმჯობესების შესაძლებლობაც.

მომხსენებლის, განათლების, მეცნიერებისა და ახალგაზრდობის მინისტრის მოადგილის ზვიად გაბისონიას თქმით, 2030-2031 წლები განსაზღვრულია გარდამავალ ეტაპად, ვინაიდან აღნიშნული პერიოდისთვის სისტემა სრულად იქნება გადასული დაფინანსების ახალ მოდელზე.

კომიტეტმა წარმოდგენილ კანონპროექტს მხარი დაუჭირა.