განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველი მოადგილე გიორგი ჩაკვეტაძე ზუგდიდში შოთა მესხიას სახელმწიფო უნივერსიტეტის ახალი კორპუსის გახსნის საზეიმო ღონისძიებას დაესწრო.

ახალი სასწავლო კორპუსი, რომელიც 250 სტუდენტზეა გათვლილი პრემიერ-მინისტრმა ირაკლი კობახიძემ და საქართველოს განათლების, მეცნიერებისა და ახალგაზრდობის მინისტრმა გივი მიქანაძემ საკანონმდებლო, აღმასრულებელი და ადგილობრივი ხელისუფლების წარმომადგენლებთან ერთად გახსნეს.

ღონისძიებაზე უნივერსიტეტის რექტორმა თეონა ხუფენიამ დამსწრე საზოგადოებას უნივერსიტეტში განხორციელებული სამუშაოების შესახებ ინფორმაცია გააცნო. აღინიშნა, რომ უწყვეტი განათლების პროგრამებში ჩართული პირებისთვის უწყვეტი განათლების ცენტრი და ბიბლიოთეკაც მოეწყობა.

ახალი სასწავლო კორპუსის მშენებლობა საქართველოს განათლების, მეცნიერებისა და ახალგაზრდობის სამინისტროს დაფინანსებით განხორციელდა და მისი ბიუჯეტი 1 749 770 ლარს შეადგენს.

შოთა მესხიას ზუგდიდის სახელმწიფო უნივერსიტეტის ახალი სასწავლო კორპუსის გახსნის ღონისძიებას პარლამენტის წევრები: გრეტა წიწავა, დათო კოდუა და გიორგი გუგუჩია დაესწრნენ.