ირაკლი მეძმარიაშვილი იტალიის საფეხბურთო კლუბ „ინტერის“ სპორტულ დირექტორს შეხვდა
სპორტისა და ახალგაზრდულ საქმეთა კომიტეტის თავმჯდომარე, ირაკლი მეძმარიაშვილი იტალიის საფეხბურთო კლუბ „ინტერის“ სპორტულ დირექტორს მარკო მონტის შეხვდა.
შეხვედრაზე მხარეებმა, კლუბის ეგიდით, საქართველოში საფეხბურთო სკოლების გახსნის შესაძლებლობები განიხილეს.
აღინიშნა, რომ „ინტერის“ საფეხბურთო კლუბი დაინტერესებულია აჭარაში, იმერეთსა და სამეგრელოს რეგიონში ახალგაზრდა თაობისთვის საფეხბურთო სკოლები გახსნას, რასაც სპორტისა და ახალგაზრდულ საქმეთა კომიტეტის თავმჯდომარე მიესალმა და მხარდაჭერა აღუთქვა.
„საქართველოში ასეთი ცნობილი კლუბის საფეხბურთო სკოლების ჩამოყალიბებას ჩვენი მომავალი თაობებისთვის ძალიან დიდი მნიშვნელობა აქვს. ამიტომ კომიტეტი ყველანაირად მხარს დაუჭერს და დაეხმარება იტალიის საფეხბურთო გუნდს აღნიშნული იდეების განხორციელებაში“, - განაცხადა ირაკლი მეძმარიაშვილმა.
