საქართველოს პარლამენტის წევრი, ხარაგაულის, ბაღდათისა და ზესტაფონის მაჟორიტარი დეპუტატი, კობა ლურსმანაშვილი, ბაღდათის რაიონის სოფელ ხანის მოსახლეობას შეხვდა. როგორც შეხვედრაზე ითქვა, სოფელი ხანი მაღალმთიანი სოფლის სტატუსით სარგებლობდა, ახალი კანონმდბელობის ამოქმედების შემდეგ კი სოფელმა ეს სატატუსი დაკარგა. სოფლის მოსახლეობას მიაჩნია, რომ სოფელი თავისი გეოგრაფიული და კლიმატური მონაცემებით, სტატუსის მისაღებად საჭირო კრიტერიუმებს აკმაყოფილებს. ადგილობრივები, მთის განვითარების ეროვნული საბჭოსგან მათი საკითხის ხელახლა შეისწავლას მოითხოვენ. დეპუტატი კობა ლურსმანაშვილი, რომელიც თავადაც მთის განვითარების ეროვნული საბჭოს წევრია, სოფელ ხანის წარმომადგენლებს შეჰპირდა, რომ საკითხს საბჭოს უახლოეს სხდომაზე დააყენებს და მაქსიმალურად შეეცდება მათი ინტერესების დაცვას.

შეხვედრაზე სოფლის მოსახლეობის წინაშე მდგარი სხვა საჭირბოროტო საკითხების შესახებაც ისაუბრეს.