გვინდა გამოვეხმაუროთ პარლამენტის თავმჯდომარის, შალვა პაპუაშვილის და ასევე, „ქართული ოცნების“ თავმჯდომარის, ირაკლი კობახიძის მიერ არა ერთგზის, მიზანმიმართულად გაკეთებულ დეზინფორმაციის შემცველ განცხადებებს სახალხო დამცველის არჩევასთან დაკავშირებით.

ეჭვის გამოთქმა და არასამთავრობო ორგანიზაციების დადანაშაულება პარლამენტის წევრებზე - ჩვენზე ზეწოლაში სხვა არაფერია, თუ არა მორიგი მცდელობა გააღრმაონ დაპირისპირება საზოგადოების სხვადასხვა წარმომადგენლებს შორის.

შეკითხვების დასმა და განსხვავებული მოსაზრების გამოხატვა ნებისმიერ საკითხთან დაკავშირებით არის გამოხატვის თავისუფლება და დემოკრატიული პროცესი, რასაც ჩვენ როგორც განცხადებებით, ასევე გადაწყვეტილებით პასუხი გავეცით, ხოლო ბულინგი და ზეწოლა არის ის, რასაც საკუთარი განცხადებებით და ქმედებებით აკეთებს „ქართული ოცნება“, როდესაც თავს ესხმის უნივერსიტეტებს და ახალგაზრდებს, რომლებმაც თავისუფალი აზრი გამოხატეს და შეიკრიბნენ პარლამენტის წინ.

ასევე სახიფათო და სიძულვილის გაღვივვებაა მთელ ქალაქში ჩვენი ფოტოებით პლაკატების გაკვრა, რაც პირდაპირ მწვანე შუქს უნთებს მოძალადე ჯგუფებს, რომლებმაც რამდენიმე დღის წინ პარლამენტის წინ პოლიციის მხრიდან აღკვეთის გარეშე ევროკავშირის დროშა დაწვეს. სწორედ ეს არის ბულინგი და ზიზღის ენა, ხოლო ზეწოლაა, როდესაც საკუთარი პარტიის წევრებს უკრძალავ თავისუფალი აზრის გამოხატვას.