საქართველოს შიდაპოლიტიკური სიტუაციისა და საპარლამენტო ცხოვრების შესახებ ისაუბრეს საქართველოს პარლამენტის წევრმა, თინათინ ხიდაშელმა და უკრაინელმა ექსპერტებმა დღეს პარლამენტში გამართულ შეხვედრაზე, რომელიც „უკრაინა გამოსავლის ძიებაში დიალოგის გზით“ პროექტის ფარგლებში გაიმართა. 

უკრაინელი სტუმრები დაინტერესდნენ საქართველოში განხორციელებული რეფორმებითა და მიმდინარე პოლიტიკური პროცესებით. როგორც სტუმრებმა აღნიშნეს ქვეყნისათვის, რომელიც ერთი მხრივ ომშია ჩაბმული და მეორე მხრივ, რეფორმები აქვს განსახორციელებელი, მნიშვნელოვანია საქართველოს გამოცდილების გაზიარება. ისინი ქართულ-აფხაზური ურთიერთობებითაც დაინტერესდნენ. საუბარი ასევე შეეხო რუსეთის როლს რეგიონში მიმდინარე პროცესებში. ისაუბრეს არსებული გამოწვევებისა და მათი დაძლევის გზებზე.

უკრაინელი ექსპერტების, სამოქალაქო საზოგადოებისა და აკადემიური წრეების წარმომადგენლების მონაწილეობით გამართული შეხვედრის მიზანი საქართველოში განხორციელებული რეფორმებისა და მიმდინარე პროცესების დეტალური გაცნობაა.