საგარეო ურთიერთობათა კომიტეტის თავმჯდომარემ სოფიო ქაცარავამ, საქართველოს პარლამენტში, ყაზახეთსა და ყირგიზეთში საქართველოს მომავალ ელჩს, ზურაბ აბაშიძეს უმასპინძლა. შეხვედრას ასევე ესწრებოდნენ კომიტეტის წევრები დიმიტრი ცქიტიშვილი და ისკო დასენი. 

მომავალ ელჩთან პარლამენტის წევრების შეხვედრის ერთ-ერთ მიზანს საქართველოს საელჩოებთან საქართველოს პარლამენტის საგარეო ურთიერთობათა კომიტეტის აქტიური კოორდინაცია და თანამშრომლობა, ასევე მათი დღის წესრიგისა და სამოქმედო გეგმის გაცნობა წარმოადგენდა.

შეხვედრაზე, ორ ქვეყანას შორის როგორც საპარლამენტო, ასევე სხვადასხვა, მათ შორის, ეკონომიკური მიმართულებით ურთიერთობის განვითარებაზე ისაუბრეს.