სტუდენტური პარლამენტის ჩართულობა ქვეყნის ახალგაზრდულ პოლიტაკში იყო პარლამენტში გამართული შეხვედრის მთავარი თემა, სადაც პარლამენტის დამოუკიდებელი წევრი, კობა ნარჩემაშვილი სტუდენტური პარლამენტის სხვადასხვა კომიტეტის წარმომადგენლებს შეხვდა.

სტუდენტები დაინტერესდნენ ასოცირების ხელშეკრულების იმპლემენტაციით სხვადასხვა სფეროში. მათ ინტერესი გამოხატეს ქვეყნის უსაფრთხოების მიმართ და ამ პროცესში საგარეო ფაქტორების ზემოქმედებაზე. ასეევ დაინტერესდნენ რა პასუხი უნდა გაეცეს რუსულ პროპაგანდას და რა ღონისძიებები უნდა გაატაროს ამ კუთხით ჩვენმა ქვეყანამ.

საუბარი შეეხო ხელისუფლების დამოკიდებულებას მცოცავი ოკუპაციის შეჩერებასათან დაკავშირებით. რბილი ძალის ზემოქმედებისგან დაცვის ინსრტუმენტებს. მათი კითხვები შეეხებოდა საერთო პოლიტიკურ მდგომარეობას და მედიაგარემოს.

კითხვები დაისვა განათლების პოლიტიკაზე, პრემიერ-მინისტრის ინიციატივაზე, რომ ქვეყნის მთლიანი შიდა პროდუქტის 6%, ანუ ბიუჯეტის მეოთხედი განათლებასა და ახალგაზრდობაზე დაიხარჯება და სხვა მიმდინარე საკითხებზე.

საუბარი ინტერაქტიურ რეჟიმში წარიმართა. კობა ნარჩემაშვილმა ამომწურავად უპასუხა სტუდენტების კითხვებს. მისი შეფასებით, „სტუდენტური პარლამენტი წარმოადგენს ადგილს დისკუსიისთვის, სოციალური აქტივობისთვის, სადაც ახალგაზრდები აკვირდებიან პროცესებს და ცოდნას და გამოცდილებას აგროვებენ“.