ფრაქცია „ნაციონალური მოძრაობის“ თავმჯდომარის მოადგილე სალომე სამადაშვილი საქართველოში ვიზიტით მყოფ აშშ-ის კონგრესის თანამშრომელთა დელეგაციის წევრებს შეხვდა.

შეხვედრაზე საუბარი შეეხო რუსეთ-საქართველოს ურთიერთობებს და ამ მიმართულებით აშშ-ის კონგრესის მხარდაჭერას. სალომე სამადაშვილმა დელეგაციის წევრებს წინასარჩევნო გარემო და ქვეყანაში მიმდინარე მოვლენებთან დაკავშირებით „ნაციონალური მოძრაობის“ ხედვა გააცნო.

„ამერიკის კონგრესი გეგმავს მიიღოს საქართველოს მხარდამჭერი აქტი და ძალიან მნიშვნელოვანია დოკუმენტში დაფიქსირდეს ის საკითხები, რაც შეეხება ჩვენი ქვეყნის უსაფრთხოებას და რუსეთთან დაკავშირებით შესაბამისი სანქციების რეჟიმის შემუშავებას“, - განაცხადა ფრაქცია „ნაციონალური მოძრაობის“ თავმჯდომარის მოადგილემ, სალომე სამადაშვილმა შეხვედრის დასრულების შემდეგ ჟურნალისტებთან საუბრისას.