სალომე სამადაშვილი ალისია ალისონს შეხვდა
ფრაქცია „ნაციონალური მოძრაობის“ წევრი სალომე სამადაშვილი საქართველოში ვიზიტად მყოფ ამერიკის შეერთებული შტატების სახელმწიფო დეპარტამენტის ევროპისა და ევრაზიის საკითხთა ბიუროს კავკასიის საკითხთა და რეგიონული კონფლიქტების ოფისის დირექტორს, ალისია ალისონს შეხვდა.
შეხვედრაზე სტუმარი ქვეყანაში მიმდინარე პოლიტიკურ პროცესებთან დაკავშირებით პარტიის ხედვით დაინტერესდა და უსაფრთხოების კუთხით არსებულ გამოწვევებზე და ოკუპირებულ ტერიტორიებზე შექმნილ ვითარებასთან დაკავშირებით, ოპოზიციური პარტიის მოსაზრებებს გაეცნო.
„შეხვედრაზე საუბარი გვქონდა ზოგადად იმ ვითარებაზე, რომელიც არის ქვეყანაში შექმნილი როგორც უსაფრთხოების გამოწვევების კუთხით, ასევე შიდა პოლიტიკური ვითარების მიმართ. სტუმარი დაინტერესდა იმ ხედვით, რომელიც „ნაციონალურ მოძრაობას“ აქვს ქვეყანაში პოლიტიკურ პროცესებთან და ოკუპირებული ტერიტორიების რეინტეგრაციის სტრატეგიასთან დაკავშირებით“, - განაცხადა სამოლე სამადაშვილმა შეხვედრის დასრულების შემდეგ.