23-25 მარტს, ეთიოპიაში, ქალაქ ადის-აბებაში ქალი პარლამენტარების მსოფლიო ფორუმი გაიმართება, რომელშიც საქართველოს პარლამენტის წევრი, თინათინ ხიდაშელი მიიღებს მონაწილეობას.

ფორუმი სამი დღის განმავლობაში გაგრძელდება და რეგიონული თანამშრომლობის, ქალების ჯანდაცვის, განათლებისთვის შესაძლებლობების გაძლიერების, ასევე, ქალების პოლიტიკური კარიერისა და ქალი ლიდერების როლზე იმსჯელებენ. ფორუმის მსვლელობისას სხვადასხვა ქვეყნების გაცნობისა და პრობლემებზე დისკუსიებისთვის სპეციალური ღონისძიებებია გათვალისწინებული.

აღნიშნულ ფორუმზე დეპუტატი თინა ხიდაშელი საქართველოში ჯანდაცვის, განათლების რეფორმის და გენდერული თანასწორობის სამოქმედო გეგმის შესახებ ისაუბრებს.