საპარლამენტო პოლიტიკური ჯგუფის „გირჩის“ წევრები ალექსანდრე რაქვიაშვილი და ჰერმან საბო ეუთო-ს დემოკრატიული ინსტიტუტებისა და ადამიანის უფლებათა ოფისის (ODIHR) საჭიროების შემფასებელი მისიის წარმომადგენლებს შეხვდნენ.

შეხვედრაზე მხარეებმა არჩევნებთან დაკავშირებულ საკითხებზე და წინასაარჩევნო გარემოზე ისაუბრეს.

​„ფაქტობრივად ყველა საკითხს შევეხეთ, რაც უშუალოდ არჩევნებს და არჩევნების დღეს უკავშირდება. ვისაუბრეთ ბიულეტენების დათვლის მექანიზმზე და იმ პრობლემებზე, რომელიც საარჩევნო გარემოს ეხება. ჩვენ რა კითხვებიც გვქონდა დავსვით, მათაც მივაწოდეთ ის ინფორმაცია, რაც აინტერესებდათ“, - განაცხადა ალექსანდრე რაქვიაშვილმა.