თავდაცვისა და უსაფრთხოების კომიტეტის თავმჯდომარე ალექსანდრე ტაბატაძე, საპარლამენტო დელეგაციის წევრებთან ერთად, თურქეთის დიდი ეროვნული ასამბლეის საქართველოსთან მეგობრობის ჯგუფის თავმჯდომარეს ფარუკ ჩელიკს და ჯგუფის წევრებს შეხვდა.

შეხვედრისას მხარეებმა მიმოიხილეს საქართველოსა და თურქეთის რესპუბლიკას შორის არსებული მრავალწლიანი მჭიდრო თანამშრომლობა სხვადასხვა სექტორში. საუბარი შეეხო რეგიონული თანამშრომლობის საკითხებს. ხაზი გაესვა რეგიონული მშვიდობის განმტკიცებისთვის გადადგმულ ნაბიჯებს და მიმდინარე პროცესებს.

შეხვედრისას ორივე მხარემ აღნიშნა, რომ მშვიდობა და სტაბილურობა გადამწყვეტია რეგიონის ქვეყნების გრძელვადიანი განვითარებისთვის.

ქართულმა მხარემ მადლიერება გამოხატა საქართველოს სუვერენიტეტის, ტერიტორიული მთლიანობისა და არაღიარების პოლიტიკის მხარდაჭერისთვის.

​საპარლამენტო დელეგაციაში კომიტეტის თავმჯდომარის პირველი მოადგილე თენგიზ შარმანაშვილი, თავმჯდომარის მოადგილეები - გია ბენაშვილი და ვიქტორ ჯაფარიძე და კომიტეტის წევრი იოსებ ჯორბენაძე შედიან.