ბაია კვიციანი დანიის პარლამენტის ბავშვთა და განათლების კომიტეტის სპიკერს შეხვდა
საქართველოს პარლამენტის განათლებისა და მეცნიერების კომიტეტის თავმჯდომარის მოადგილე ბაია კვიციანი დანიაში სამუშაო შეხვედრებს აგრძელებს.
ვიზიტის ფარგლებში, კომიტეტის თავმჯდომარის მოადგილე დანიის პარლამენტის ბავშვთა და განათლების კომიტეტის სპიკერს ალექს არენდსენს და კომიტეტის სხვა წარმომადგენლებს შეხვდა.
შეხვედრაზე დანიასა და საქართველოში არსებულ საგანმანათლებლო სისტემასა და პრიორიტეტულ მიმართულებებზე ისაუბრეს.
მხარეებმა ორივე ქვეყანაში განათლების სექტორში დაგეგმილი რეფორმები განიხილეს.
განსაკუთრებული ყურადღება გამახვილდა მასწავლებელთა პროფესიულ განვითარებაზე.
საუბარი ასევე შეეხო ორი ქვეყნის სასწავლო კურიკულუმებს და მის როლს ხარისხიანი განათლების მიწოდების პროცესში.
ბაია კვიციანის განცხადებით, განისაზღვრა სამომავლო თანამშრომლობის მიმართულებები და დაიგეგმა კონკრეტული აქტივობები, რომელიც ორი ქვეყნის საკანონმდებლო ორგანოების ეფექტიან და აქტიურ თანამშრომლობას შეუწყობს ხელს.
