საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია ეუთო-ს დემოკრატიული ინსტიტუტებისა და ადამიანის უფლებების ოფისის (OSCE/ODIHR) საარჩევნო სადამკვირვებლო მისიის ხელმძღვანელს, ალბერტ იონსონს შეხვდა და წინასაარჩევნოდ ქვეყანაში არსებული ვითარება და საარჩევნო კამპანიის მიმდინარეობის დეტალები გააცნო.

ალბერტ იონსონი დაინტერესდა წინასაარჩევნოდ ადმინისტრაციული რესურსის გამოყენების საკითხით, ასევე აქვთ თუ არა პარტიებს წინასაარჩევნო კამპანიის დაფინანსებისას თანაბარი შესაძლებლობები.

„ევროპელი სოციალისტების“ კონცეფციაზე საუბრისას, ფრიდონ ინჯიამ ალბერტ იონსონს განუცხადა, რომ მათი მიზანია სოციალური სამართლიანობა.

„ჩვენ ვართ კონსტრუქციულები და ხალხს ვთავაზობთ, როგორ გადაწყდეს არსებული პრობლემები. პირველ რიგში, სოციალური სამართლიანობა, თანამედროვე სოციალიზმი, რომელიც არის ქვეყნის გადარჩენა. სხვა შემთხვევაში ქვეყანა გადაიქცევა დიდი კომპანიების ფილიალად. ჩვენს ბაზარს დაცვა უნდა და მაქსიმალურად ადაპტირება იმ მიღწევებისა, რომელიც ევროპის, ამერიკის შეერთებული შტატების და ზოგიერთი აზიის ქვეყნების გამოცდილებიდან შეგვიძლია ავიღოთ“, - აღნიშნა ფრიდონ ინჯიამ.