საქართველოს პარლამენტის განათლების, მეცნიერებისა და კულტურის კომიტეტის თავმჯდომარის პირველი მოადგილე, გენადი მარგველაშვილი, კომიტეტის წევრთან, სიმონ ნოზაძესთან ერთად, საქართველოს ეროვნული ინტელექტ-ჩემპიონატ „ეტალონის“ გრანდიოზულ ფინალს დაესწრო.

„მინდა მივულოცო „ეტალონის“ თითოეულ მონაწილეს ეს უდიდესი წარმატება, თუმცა არანაკლებ წარმატებას მიაღწიეს იმ მოსწავლეთა პედაგოგებმა, რომლებიც დღეს აქ არიან წარმოდგენილები.

ჩვენთვის ყველაზე მნიშნელოვანი ის კი არ არის, რაც ახლა, ამ სცენაზე ხდება, არამედ ის თუ როგორ დაეხმარებიან ეს ახალგაზრდები მომავალში საკუთარ ქვეყანას, მოსწავლეები, რომლებიც წიგნთან და კრეატიულ აზროვნებასთან არიან ახლოს, წარმოუდგენელია მომავალში საკუთარ სამშობლოს არ გამოადგნენ.

საბედნიეროდ, წლების განმავლობაში განათლება მთავარი ქვაკუთხედია ხელისუფლების ყველა შტოსთვის და მოხარული ვარ, რომ ახალი პრემიერ-მინისტრიც განათლებისა და ინოვაციების მიმართულებით დიდი ნაბიჯების გადადგმას გეგმავს“, - განაცხადა გენადი მარგველაშვილმა.

საქართველოს ეროვნული ინტელექტ-ჩემპიონატი „ეტალონი“ მოსწავლე ახალგაზრდობაზე გათვლილი ინტელექტუალურ-შემეცნებითი პროექტია, რომლის მიზანია, ხელი შეუწყოს საქართველოში ცოდნის პოპულარიზაციას, გამოავლინოს და წაახალისოს ყველაზე ნიჭიერი ახალგაზრდები. „ეტალონი“ მიზნად ისახავს ქვეყნის მოსწავლე ახალგაზრდობის მასობრივ დაინტერესებას, სწავლა-განათლების თანამედროვე მეთოდების გამოყენებით.