მუნიციპალური განვითარების ფონდის დაფინანსებით სრული რეაბილიტაცია უტარდება ქალაქ ბოლნისის N1 და სოფელ ქვეშის საჯარო სკოლებს.

„დღეს, მოვინახულეთ ქ. ბოლნისის N 1 და სოფელ ქვეშის საჯარო სკოლების რეაბილიტაციის პროცესი. ორივე სკოლის სამშენებლო სამუშაოები დაახლოებით 6 მილიონი ლარის ღირებულებისაა. განსაკუთრებით მნიშვნელოვანია ის, რომ პანდემიის მიუხედავად, მუშა პროცესი ერთი დღითაც არ შეჩერებულა და სამუშაოები აქტიურ ფაზაშია. ჩემთვის განსაკუთრებით სასიხარულოა ის ფაქტი, რომ სკოლა რომელიც მე დავამთავრე და სადაც 11 წლის განმავლობაში ვსწავლობდი მომავალ სასწავლო წელს უკვე სრულად რეაბილიტირებულ და კომფორტულ გარემმოში მიიღებს მოსწავლეებს. მიმაჩნია, რომ ეს გარემო იქნება ერთ-ერთი მნიშვნელოვანი წინაპირობა, ჩვენმა ბავშვებმა წარმატებით ისწავლონ“, - განაცხადა გოგი მეშველიანმა.

პროექტის ფარგლებში მოეწყობა საკლასო ოთახები, ლაბორატორიები, სააქტო დარბაზები, სპორტული მოედნები, სველი წერტილები და სხვა საჭირო ინფრასტრუქტურა იმისათვის, რომ ზოგადსაგანმანათლებლო დაწესებულებამ უპასუხოს თანამედროვე სკოლის სტანდარტებს.

ქალაქ ბოლნისში, 4 631 333 ლარის ღირებულების სამუშაოებს ტენდერში გამარჯვებული კომპანია „გრუსია“ ახორციელებს, ხოლო ქვეშის სკოლის რეაბილიტაციის პროცეს კომპანია „აქსონი“ ასრულებს და სამუშაოების ღირებულება 1 479 521 ლარს შეადგენს.

სამშენებლო სამუშაოები გასული წლის ნოემბრის ბოლოს დაიწყო და ობიექტების კეთილმოწყობა წლის ბოლომდე დასრულდება.