პარლამენტის წევრი, პოლიტიკური ჯგუფის „ხალხის ძალის“ თავმჯდომარის მოადგილე გურამ მაჭარაშვილი უნივერსიტეტის სტუდენტებს შეხვდა და ახალგაზრდებთან ქვეყნის წინაშე მდგარი მნიშვნელოვანი სამართლებრივი და პოლიტიკური საკითხები განიხილა.

დეპუტატი ახალგაზრდებს კანონშემოქმედებით საქმიანობაზე ესაუბრა.

შეხვედრის ძირითადი თემა პარლამენტის დროებითი საგამოძიებო კომისიის მუშაობა იყო. გურამ მაჭარაშვილმა, ახალგაზრდებს განუმარტა კომისიის მიზანი - გამოავლინოს და შეისწავლოს წარსულში განხორციელებული სისტემური და სისტემატური დანაშაულები, რომელთა შესახებ სტრასბურგის ადამიანის უფლებათა ევროპულმა სასამართლომ უკვე გააკეთა მკაფიო დასკვნა.

„სტუდენტები პარლამენტის დროებითი საგამოძიებო კომისიის შექმნის საკითხით დაინტერესდნენ. ახალგაზრდებს საგამოძიებო კომისიის შექმნის საფუძვლებზე, მის სამართლებრივ და პოლიტიკურ მხარეზე ვესაუბრე. შევთანხმდით, რომ მსგავსი შეხვედრები კვლავაც გაგრძელდება“, - აღნიშნა გურამ მაჭარაშვილმა.

შეხვედრა კითხვა-პასუხის რეჟიმში წარიმართა.