საქართველოს პარლამენტის წევრმა ირაკლი ჩიქოვანმა, ევროპის საბჭოს საპარლამენტო ასამბლეაში (PACE) საქართველოს პარლამენტის მუდმივმოქმედი დელეგაციის ხელმძღვანელის რანგში, სომხეთის რესპუბლიკის ახალდანიშნულ საგანგებო და სრულუფლებიან ელჩთან აშოტ სმბატიანთან გაცნობითი შეხვედრა გამართა.

მხარეებმა ორ ქვეყანას შორის არსებული მრავალმხრივი ურთიერთობების დინამიკა განიხილეს.

ყურადღება გამახვილდა ევროპის საბჭოში სომხეთისა და საქართველოს დელეგაციების თანამშრომლობაზე და ურთიერთობების კიდევ უფრო გაღრმავების აუცილებლობაზე.

„შეხვედრაზე, ევროპის საბჭოს საპარლამენტო ასამბლეის ფარგლებში, სომხეთის და საქართველოს დელეგაციებს შორის ურთიერთმხარდაჭერაზე ვისაუბრეთ. შევთანხმდით ჩვენს ქვეყნებს შორის სამომავლო თანამშრომლობაზე და კოორდინირებულ ურთიერთობაზე“, - განაცხადა ირაკლი ჩიქოვანმა შეხვედრის დასრულების შემდეგ.