რუსთავისა და გარდაბნის ათი თემის დელეგატი ირაკლი შატაკიშვილი გარდაბნის მუნიციპალიტეტის სოფელ მარტყოფის №2 საჯარო სკოლის  მოსწავლეებს და პედაგოგებს შეხვდა. 

შეხვედრაზე ირაკლი შატაკიშვილმა საპარლამენტო კომიტეტების ძირითად საქმიანობაზე, საზედამხედველო ფუნქციებსა და კანონშემოქმედებით პროცესზე ისაუბრა. მოსწავლეებმა იმიტირებული საკომიტეტო სხდომის მუშაობაში მიიღეს მონაწილეობა და მათთვის საინტერესო თემებზე დისკუსია გამართეს.

ირაკლი შატაკიშვილმა დასაქმების პროგრამებსა და  უმაღლესი განათლების რეფორმის მიმდინარეობაზე ისაუბრა. ასევე, პროფესიულ, დუალურ და არაფორმალურ განათლებასთან დაკავშირებით დასმულ კითხვებს უპასუხა და ხელისუფლების მიერ განათლების ხელშეწყობის მიზნით გატარებულ ღონისძიებებზე გაამახვილა ყურადღება.
​

პარლამენტში სტუმრად მყოფმა მოსწავლეებმა და პედაგოგებმა ექვთიმე თაყაიშვილის სახელობის ქართული პარლამენტარიზმის მუზეუმი და პარლამენტის სასახლე დაათვალიერეს.