კახა კუჭავა ლატვიის საგარეო საქმეთა მინისტრს ედგარს რინკევიჩს შეხვდა
საქართველოს პარლამენტის თავმჯდომარე ლატვიის საგარეო საქმეთა მინისტრს შეხვდა.
მხარეებმა ორ ქვეყანას შორის არსებულ მჭიდრო პარტნიორულ ურთიერთობებზე და ლატვიისა და საქართველოს მრავალწლიან მეგობრობაზე ისაუბრეს.
შეხვედრაზე განხილულ იქნა ქვეყნებს შორის ორმხრივ და მრავალმხრივ ფორმატებში თანამშრომლობის პერსპექტივები როგორც პოლიტიკური, ისე ეკონომიკური მიმართულებით.
საუბარი შეეხო ნატოს „ღია კარის პოლიტიკას“ და რეგიონში უსაფრთხოების კუთხით საქართველოს ნატოში გაწევრების აუცილებლობას.
ხაზგასმით აღინიშნა განაცხადი, რომელსაც საქართველო 2024 წელს ევროკავშირის წევრობაზე გააკეთებს.
კახა კუჭავას თქმით, ამ მიმართულებით ლატვიის მხარდაჭერა და გამოცდილება მნიშვნელოვანია.
პარლამენტის თავმჯდომარემ მადლობა გადაუხადა ლატვიის საგარეო საქმეთა მინისტრს საქართველოს ევროპული და ევროატლანტიკური მისწრაფებების, ტერიტორიული მთლიანობის მტკიცე და მუდმივი მხარდაჭერისთვის.
