ბავშვთა ბულინგის შესახებ ისაუბრეს გენდერული თანასწორობის მუდმივმოქმედი საპარლამენტო საბჭოს წევრებმა, ხატია წილოსანმა და ბაია კვიციანმა საქართველოში გაეროს ბავშვთა ფონდის (UNICEF) წარმომადგენელთან ღასან ხალილთან შეხვედრისას.

„ვისაუბრეთ ბულინგის პრობლემაზე, მათ შორის, სკოლებში. ვიმსჯელეთ რა აქტივობები შეიძლება დაიგეგმოს ამ მიმართულებით პარლამენტისა და გაეროს ბავშვთა ფონდის თანამშრომლობით. ჩვენ შევთანხმდით, რომ მომავალი შეხვედრა განათლების სამინისტროს ჩართულობით გაიმართება და ვისაუბრებთ კონკრეტულ აქტივობებზე ბულინგის პრევენციის, ფაქტების გამოვლენისა და აღმოფხვრის მიმართულებით“, - განაცხადა ბაია კვიციანმა შეხვედრის შემდეგ.