დამოუკიდებელი პარლამენტის წევრი კობა ნარჩემაშვილი სტუდენტური პარლამენტის წარმომადგენლებს შეხვდა. შეხვედრაზე თავდაცვისა და უშიშროების კომიტეტის საქმიანობის შესახებ ისაუბრეს.

„თქვენი აქტიურობა არის მომავალში საზოგადოების სოციალური აქტიურობის წინაპირობა. მიმაჩნია, რომ ნამდვილი დემოკრატიული სამოქალაქო საზოგადოების შექმნა შეუძლებელია სოციალური აქტიურობის გარეშე. ქვეყნები, სადაც მოქალაქეთა კეთილდღეობა მაღალია, სწორედ სოციალურ აქტივობას ეფუძნებიან, როცა ადამიანები არ არიან საკუთარ პროფესიებში, საკუთარ ოჯახებში ჩაკეტილები და ცდილობენ სხვისი პრობლემების მიმართ იყონ სოლიდარულები“, - მიმართა კობა ნარჩემაშვილმა სტუდენტებს.

შეხვედრა კითხვა-პასუხის ფორმატში წარიმართა. კითხვები თავდაცვის ბიუჯეტს, ვაზიანში აეროდრომის მშენებლობას, რუსეთის მიერ საქართველოს ოკუპირებულ ტერიტორიებს, თავდაცვის სფეროში ქვეყნის პრიორიტეტებს, სამხედრო აღჭურვილობას, სამხედრო სავალდებულო სამსახურს, განათლების სისტემაში არსებულ პრობლემებს ეხებოდა.

დეპუტატმა სტუდენტების კითხვებს უპასუხა.