პარლამენტის ბიუროს სხდომაზე ცენტრალური საარჩევნო კომისიის თავმჯდომარისა და კომისიის 2 წევრის თანამდებობებზე ასარჩევ კანდიდატურებთან დაკავშირებით პრეზიდენტის წარდგინების შესახებ იმსჯელეს.

ცესკოს თავმჯდომარეობის კანდიდატებად პრეზიდენტის მიერ დასახელებულია თენგიზ თევზაძის და გიორგი კალანდარიშვილის კანდიდატურები, ხოლო კომისიის წევრობის კანდიდატებად ქრისტინე ქაჯაია, ლევან ისაკაძე, მაია ზარიძე და გია ცაცაშვილი.

იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, კანდიდატების მოსმენა, სავარაუდოდ, მიმდინარე კვირის ხუთშაბათს დაიწყება.