საპროცედურო საკითხთა და წესების კომიტეტის სხდომაზე ვანო ზარდიაშვილისთვის პარლამენტის წევრის უფლებამოსილების ვადაზე ადრე შეწყვეტის საკითხი განიხილეს.

კომიტეტის თავმჯდომარის პირველმა მოადგილემ, გურამ მაჭარაშვილმა კოლეგებს გააცნო ვანო ზარდიაშვილის პირადი განცხადება დეპუტატის უფლებამოსილების შეწყვეტის შესახებ.

კომიტეტის მიერ დოკუმენტის ნამდვილობის დადასტურების შემდეგ, დეპუტატებმა ამ საკითხს მხარი დაუჭირეს.

დღესვე კომიტეტმა მეორე მოსმენით განიხილა „საქართველოს პარლამენტის რეგლამენტში“ ცვლილების შეტანის შესახებ“ საქართველოს პარლამენტის რეგლამენტის პროექტი, რომელიც პარლამენტის აპარატის თანამშრომელთა დაჯილდოების უფრო მოქნილ მექანიზმს დანერგავს და კონკრეტული თანამშრომლებისთვის დაჯილდოების ახალ შესაძლებლობას გააჩენს.

საპარლამენტო ჯილდოს ახალი სახის - სამკერდე ნიშნის შემოღებას კომიტეტმა მხარი დაუჭირა.