ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილი ახალგაზრდებს შეხვდა, რომლებიც პარლამენტში სტაჟირებას გადიან.

შეხვედრის ძირითად თემას ადამიანის უფლებები და მასთან დაკავშირებული საკითხები წარმოადგენდა.

​„ვისაუბრეთ ადამიანის უფლებების დაცვაზე, მათ შორის, ბავშვთა, შეზღუდული შესაძლებლობების მქონე პირთა და პატიმართა უფლებებზე. ახალგაზრდებს ასევე აინტერესებდათ პარლამენტის დროებითი საგამოძიებო კომისიის მუშაობასთან დაკავშირებული საკითხები. სასიამოვნოა, რომ ახალგაზრდები საკანონმდებლო ორგანოს საქმიანობის მიმართ ინტერესს გამოხატავენ. ჩვენ ვეცდებით, რომ სტაჟირების კურსი, რომელსაც ახალგაზრდები პარლამენტში გადიან, მათთვის საინტერესო და ნაყოფიერი იყოს“, - განაცხადა რატი იონათამიშვილმა.