ნატო-ს საპარლამენტო ასამბლეის საგაზაფხულო სესიაზე, საქართველოს პარლამენტის მუდმივმოქმედი დელეგაცია გივი მიქანაძის ხელმძღვანელობით, ასამბლეის გენერალურ მდივანს რუქსანდრა პოპას და მის მოადგილე ჰენრიკ ბლიდალს შეხვდა.

შეხვედრაში მონაწილეობდნენ ნატო-ს საპარლამენტო ასამბლეაში საქართველოს დელეგაციის წევრები ევროპასთან ინტეგრაციის კომიტეტის თავმჯდომარე ლევან მახაშვილი და საგარეო ურთიერთობათა კომიტეტის თავმჯდომარის პირველი მოადგილე მარიამ ლაშხი.


შეხვედრისას მხარეებმა განიხილეს ასამბლეაში საქართველოს პარლამენტის მუდმივმოქმედი დელეგაციის აქტიური ჩართულობა და ქვეყანაში მიმდინარე პოლიტიკური პროცესები.

საქართველოს პარლამენტის დელეგაციის წევრებმა დეტალური ინფორმაცია მიაწოდეს ასამბლეის გენერალურ მდივანს იმ პროგრესზე და გამოწვევებზე, რაც საქართველოს წინაშეა.

განსაკუთრებული ყურადღება დაეთმო ასამბლეის აქტივობებში დელეგაციის ჩართულობის უფრო გაღრმავების შესაძლებლობებს.