პარლამენტის წევრის, კარლო კოპალიანის ბრიფინგის თემა 2011 წლის 26 მაისის მოვლენები იყო.

როგორც კარლო კოპალიანმა განაცხადა, ის პარლამენტის ერთად ერთი წევრი იყო, რომელიც შარშანდელი 26 მაისის მოვლენების შუაგულში აღმოჩნდა. მისი თქმით, მშვიდობიანი მომიტინგეების დარბევისას, ძალის გადამეტებას ჰქონდა ადგილი, თუმცა ამ პროცესის მონაწილენი დღემდე დაუსჯელნი არიან.

"მე ვარ ერთად ერთი თვითმხილველი დეპუტატი 26 მაისის მოვლენებისა, თანაც დაზარალებული, მაგრამ შინაგან საქმეთა სამინისტროში შექმნილი კომისია, რომელსაც აღნიშნული საკითხის გამოძიება დაევალა, ჩემი ამბით არც კი დაინტერესებულა", – განაცხადა დეპუტატმა.