ფრაქცია „ევროპული საქართველოს“ წევრმა, ზურაბ ჭიაბერაშვილმა ბრიფინგი გამართა და ჟურნალისტებს სოციალურად დაუცველი მოსახლეობისთვის სახელმწიფო დახმარების შეჩერებასთან დაკავშირებული ინფორმაცია გააცნო. 

მისი განცხადებით 2016 წლის ბოლოს 53 000 მოქალაქეს სოციალური დახმარება მოეხსნა.
ზურაბ ჭიაბერაშვილმა ბრიფინგზე აღნიშნა, რომ შრომის, ჯანმრთელობისა და სოციალური დაცვის სამინისტროს ოფიციალური მონაცემების მიხედვით, 53 000 მოქალაქიდან: 7 000 ბავშვია, 17 000 პენსიონერი, 43 000 მოქალაქე კი, სოფლად მცხოვრები.

მისივე თქმით, კლება უფრო მეტად სოციალურად დაუცველთა იმ კატეგორიებზე გავრცელდა, რომლებიც ყველაზე დაბალ სარეიტინგო ქულიან: 0-დან 30 000-მდე და 30 000-დან 57 000-მდე ჯგუფებში არიან.
ზურაბ ჭიაბერაშვილის განცხადებით, ამ გზით თვეში 2 მილიონი ლარის დაზოგვა ხდება.